足球快訊1
[返回首页] [回复该贴] [关闭本页]

用户名: 波盘王
会员组: 普通会员
积分: 100
疫情打亂球壇秩序 轉會市場驚天改革
新冠肺炎疫情唔單止令世界球壇陷於癱瘓,就連轉會市場亦變得一片混亂。歐洲多數夏季轉會市場都係7月展開(視乎地區),去到8月底就結束,不過依家各大聯賽連幾時可以踢完都係未知之數,莫講話球季喺7月可能仲未收咧,依家冇波踢嘅情況下,球會連睇辦機會都冇,加上約滿球員嘅處理方案仍未出爐,舊有嘅轉會制度肯定唔能夠維持。

據英國《每日鏡報》報道,國際足協已成立工作小組專責處理疫情下轉會問題,而英格蘭球會亦開會研究對策,其中一個最有可能嘅方案,就係將夏季轉會窗同冬季轉會窗(1月)合併,意味球會由今個夏天開始(開窗日期待定),可以一直辦理轉會直到明年1月底,畀球隊同球員有更多時間計劃轉會。

事實上,喺轉會前景仍然唔明朗情況下,報道指好多蘊釀中嘅大單交易都被叫停,好似阿仙奴原本計劃以5,000萬鎊賣走無意續約嘅奧巴美揚,但2大買家皇家馬德里同巴塞隆拿都已經暫停所有轉會計劃,令「兵工廠」未能部署下一步行動。

利物浦收購德國前鋒迪姆華拿嘅計劃亦受到打擊,RB萊比錫體育總監高斯治表示,由於疫情對球壇經濟造成極大打擊,喺財政前景不明下將會叫停所有轉會:「所有球會都因為疫情而受到影響,英超球會都一樣,我哋唔知道6個月之後個世界仲一唔一樣。」RB萊比錫係咪會賣走迪姆華拿,將要等疫情穩定後再做評估。

本贴于2020-3-25 9:41:03足球提款机论坛发表


[回复该贴] [关闭本页] [编辑帖子]

                   快速回复:
用户名
密码
标题
内容

郑 重 声 明
1. 任何言论纯属作者个人观点,与本站无关;
2. 禁止发表反动、色情和其他违反国家法律、法规的言论、信息;
3. 禁止利用本论坛进行赌博、非法买卖等违法行为;
4. 禁止发表恶意攻击他人的言论;
5. 任何转载或转贴都应注明真实作者和真实出处;
6. 禁止发表任何涉及政治、军事、外交等内容的言论;